D’Lénk an d’Islamkritik

Mat Lénk mengen ech hei net just d’Lénksparteien (also déi Parteien, déi sech selwer als dei eenzeg richteg Lénk betruechten, an déi vun deenen anere lénke Parteien extreem lénk genannt ginn), mee och d’Sozialdemokratie an déi Gréng.

An der Lénk wor de Feminismus emmer eng ganz bedäitend politesch Stréimung , haut huet sech dat e besse berouegt, e gewesse Fortschrett, wat d’Roll vun der Fra an eiser Gesellschaft betrefft, huet dozou gefouert, dat Feminismus haut “Gender-Politik” genannt get. Et geet an deem Beräich dann em Froen ewéi d’Loungläichheet tescht Mann a Fra. Wann et awer em Problemer geet, déi d’Loungläichheetsproblematik als Luxusproblem erschénge loossen, ewéi d’Situatioun vu ville Fraen am Islam, dann ass d’Lénk oft gaaanz roueg. Den Islam ass schließlech eng vum Westen enerdréckte Kultur, déi ee schützen a respektéiere muss, anscheinend esouguer dann, wann Männer opgrond vun hire reliéise Wahnvirstellungen hir Fraen zwéngen, a Prisongen aus Stoff d’Haus ze verloossen, wann se da mussen. Do treppelt dann och keng Fra, mee do treppelt eng Burka, vun der Fra gesäit ee jo näischt. D’Ayaan Hirsi Ali, eng Ex-Muslimin a mettlerweil Atheistin, huet dee Wahnsinn, deen haut den Alldag vu ville Fraen an der Welt ausmecht, um eegene Leiw gespuert, konnt sech aus Somalia an Holland retten, wou et probéiert huet, sech fir d’Rechter vu muslimesche Fraen an Holland an an der ganzer Welt anzesetzen. Et wollt dat an der sozialdemokratescher Partei man, enger Partei mat grousser feministescher Traditioun. D’Positioun vun der Sozialdemokratie war awer leider déi, dat déi Fraen an hirer eegener Kultur glécklech wieren. Dem Ayaan Hirsi Ali gouf iwwelen Ethnozentrismus virgeworf. Dobäi hat hatt sech mat sengem Uleies un d’Gauche gerit, well et d’Sozialdemokratie als dat erkannt hat, wat se eigentlech misst sinn, eng Partei, déi Ongerechtegkeet bekämpft. Nodeems et do eraus geeckelt ginn ass, ass et bei der rietsliberaler VVP ennerkomm, wou séng Politik wellkomm war. Der Lénk wäerft hat Kulturrelativismus ennert dem Deckmantel vum Multikulti fir:

Aber die Linken haben im Westen eine merkwürdige Neigung, sich selbst die Schuld zu geben und den Rest der Welt als Opfer zu betrachten, beispielsweise die Muslime. Und Opfer sind bedauernswert, und alle bedauernswerten und unterdrückten Menschen sind per Definition gute Menschen, die wir an unser Herz drücken müssen. Die linke Kritik beschränkt sich auf den Westen. Sie kritisiert die Vereinigten Staaten und nicht die islamische Welt, wie sie früher auch die Gulags nicht kritisiert hat. [...] Kritik an der islamischen Welt, den Palästinensern und den islamischen Minderheiten wird als islamfeindlich und fremdenfeindlich gsehen. Diese Kulturrelativisten sehen jedoch nicht, daß sie, indem sie nichtwestliche Kulturen skrupulös voni hrer Kritik ausnehmen, die Träger dieser Kulturen in ihrer Rückständigkeit einzementieren. Dies geschieht mit den besten Absichten, aber wie bekannt ist der Weg zur Hölle mit guten Absichten gepflastert. Es handelt sich um Rassismus in Reinform. (Ayaan Hirsi Ali – Ich klage an)

Hat ass awer net déi eenzeg Islamkritikerin, déi vun de Lénken ewech geekelt ginn ass. Dat ass eng Tendenz mat System. Erstaunlech ass et dann awer, wann beim Minarett-Verbuet an der Schwäiz virun allem vill Fraen dofir gestemmt hunn, déi gläichzäiteg Sozialdemokratinnen oder Grénginnen sinn, zumindest allgemeng éischter dem lénke Sprektrum ugehéieren. Déi hunn – geméiss eegenen Aussoen – net géint de Bau vu Minaretter gestemmt, mee wollte protestéiere géint d’Fraefeindlechkeet, déi den Islam mat sech bréngt, an déi an der Politik konsequent doudgeschwiege get. Et schéngt es also, wéi wann dat ur-Lénkt un der Basis nach emmer existéiere géif, uewen an de Parteispetzten awer – aus welche Grenn och emmer – ennerdreckt an als Xenophobie duergestallt géif ginn. Zu Letzebuerg get et – net am Kontext vum Islam, mee hei wat eis liicht komplizéiert Sproochesituatioun betrefft – eng ganz ähnlech, wann och vill méi harmlos  Tendenz: soubal e Letzebuerger sech traut, säin Onbehagen auszedrécken, wat d’Sproochsituation betrefft, get e vun der Lénk als Xenophobe a Nationalist duergestalt. Et ass eng Tendenz, déi ufänkt zimmlech bei mär unzeecken, géif d’Lénk nämlech d’Problematik vun der islamescher Fraefeindlechkeet ewéi zu Letzebuerg d’Problematik vun der Sproochesituatioun eescht huelen a net ennert dem Deckmäntelchen vum Multikulti (wouvun ech trotzallem e grousse Fan sin) ennert den Teppech kieren, dann hätte Rietspopulistesch Parteien vill manner Zoulaaf. Datt Leit ewéi d’Ayaan Hirsi Ali op rietsliberal Parteien ugewise sinn, fir sech fir Fraenrechter anzesetzen, weist op alle Fall kloer an däitlech, datt mat der Lénker eppes ganz gewalteg net stemmt.